LPG Cylinder price hike: ஒவ்வொரு மாதமும் முதல் நாளில் சமையல் எரிவாயு சிலிண்டரின் விலை மாற்றியமைக்கப்படுவது வழக்கம். அந்த வகையில் இன்று (ஏப்ரல் 1) சிலிண்டர் விலை மாற்றப்பட்டுள்ளது. வழக்கம்போலவே சிலிண்டர் விலை உயர்த்தப்பட்டுள்ளது. சிலிண்டர் விலை 250 அதிகரித்துள்ளது. இது வர்த்தகப் பயன்பாட்டுக்கான சிலிண்டர் விலைதான். எனவே இல்லத்தரசிகள் கவலைப்படத் தேவையில்லை.
புதிய விலை மாற்றத்துக்குப் பின், டெல்லியில் 19 கிலோ எடை கொண்ட வர்த்தக பயன்பாட்டு சிலிண்டர் விலை ரூ.2,253 ஆக உள்ளது. கொல்கத்தாவில் 2,351 ரூபாயாகவும், மும்பையில் ரூ.2,087 ஆகவும் உள்ளது. சென்னையில் 19 கிலோ எடை கொண்ட சிலிண்டர் 2,406 ரூபாய்க்கு விற்பனை செய்யப்படுகிறது.
ரஷ்யா-உக்ரைன் போர் பிரச்சினையை அடுத்து சர்வதேசச் சந்தையில் கச்சா எண்ணெய் விலை கடும் ஏற்றம் கண்டுள்ளது. இதன் விளைவாக இந்தியாவிலும் பெட்ரோல், டீசல், சமையல் எரிவாயு விலை கடுமையாக உயர்ந்து வருகிறது. அதேபோல, ஐந்து மாநில தேர்தல் முடிந்த பிறகு பெட்ரோலியப் பொருட்களின் விலை உயரத் தொடங்கியுள்ளது.
வீட்டு உபயோகத்துக்கான 14.2 கிலோ எடை கொண்ட சிலிண்டர் விலை:
சென்னை – ரூ.965.50
டெல்லி – ரூ.949.50
கொல்கத்தா – ரூ.976
இதையும் படிங்க: Actor Balaji: மனைவி மீது நடிகர் பாலாஜி புகார்..!