தேவையான பொருட்கள்:
இடியாப்பம் – 4
சிக்கன் – 100 கிராம் (எலும்பில்லாத சிக்கன்)
சிக்கன் கிரேவி – 1/4 கப்
இஞ்சி பூண்டு விழுது – அரை தேக்கரண்டி
வெங்காயம் – 2
தக்காளி – 1
முட்டை – 2
பச்சை மிளகாய் – 3
மஞ்சள் தூள் – 1 ஸ்பூன்
மிளகாய் தூள் – 1 ஸ்பூன்
கரம்மசாலா தூள் – 1 டீஸ்பூன்
மிளகு தூள் – அரை ஸ்பூன்
கொத்தமல்லி தழை – கொஞ்சமாக
நெய் – தேவையான அளவு
உப்பு – தேவையான அளவு
செய்முறை:
வெங்காயம், தக்காளி, கொத்தமல்லி, ப.மிளகாயை பொடியாக நறுக்கி கொள்ளவும்.
இடியாப்பத்தை உதிர்த்து வைத்து கொள்ளவும்.
சிக்கனை பொடியாக நறுக்கி நன்றாக சுத்தம் செய்து வைத்து கொள்ளவும்.
கடாயை அடுப்பில் நெய் ஊற்றி சூடானதும் பச்சை மிளகாய், வெங்காயத்தை போட்டு நன்றாக வதக்கவும்
வெங்காயம் நன்றாக வதங்கியதும் இஞ்சி பூண்டு விழுது சேர்த்து பச்சை வாசனை போகும் வரை வதக்கவும்.
அடுத்து தக்காளியை போட்டு நன்றாக வதக்கவும்.
தக்காளி நன்றாக குழைய வதங்கியதும் உப்பு, மஞ்சள் தூள், மிளகாய் தூள், மிளகு தூள், கரம்மசாலா தூள் போட்டு நன்றாக கிளறவும்.
அடுத்து அதில் சிக்கன் துண்டுகளை சேர்த்து வதக்கவும்.
சிக்கன் நன்றாக வதங்க அடுப்பை மிதமான தீயில் வைத்து மூடி போட்டு வேக விடவும்.
சிக்கன் நன்றாக வெந்ததும் முட்டை உடைத்து ஊற்றி கிளறவும்.
இந்த கலவை வதங்கியதும், அடுத்து அதில் சிக்கன் கிரேவியை ஊற்றி கிளறவும்.
இது கொஞ்சம் வதங்கியதும், உதிர்த்த இடியாப்பத்தை சேர்த்து பதமாக கிளறவும்.
மசாலா நன்றாக சேர்ந்தவுடன் கொத்தமல்லி தழை துவி இறக்கி பரிமாறவும்.
இதையும் படிங்க: TASMAC: டாஸ்மாக் பணியாளர்களுக்கு ரூ.500 ஊதிய உயர்வு