சென்னையில் சமையல் கியாஸ் சிலிண்டர் விலை ரூ.25 உயர்ந்து ரூ.735-க்கு வினியோகிக்கப்பட்டு வருகிறது என்று எண்ணெய் நிறுவன அதிகாரிகள் தெரிவித்து உள்ளனர்.
டெல்லி, மும்பையில் ரூ.719, கொல்கத்தாவில் ரூ.745.50 என்ற விலையில் விற்பனை செய்யப்பட்டது. சர்வதேச சந்தையில் கச்சா எண்ணெயின் விலை தொடர்ந்து அதிகரித்து வருகிறது. அதனால் தான் சமையல் கியாஸ் சிலிண்டர் விலை உயர்த்தப்பட்டு உள்ளது. வரும் மாதங்களிலும் விலை ஏறுவதற்கு வாய்ப்பு உள்ளது என்று எண்ணெய் நிறுவன அதிகாரிகள் தெரிவித்து உள்ளனர்.
சென்னையில் உள்ள வாடிக்கையாளர்களுக்கு கடந்த மாத இறுதியில் இருந்து மானியமாக ரூ.24 மட்டுமே வந்து உள்ளது. ஒரு சிலருக்கு அவர்களுடைய வங்கி கணக்கில் மானியமே வரவில்லை என்ற நிலையும் இருந்து வருகிறது. எண்ணெய் நிறுவனங்கள் வாடிக்கையாளர்களுக்கு வங்கி கணக்கில் மானியம் முறையாக செலுத்தப்படுகிறதா? என்பதையும் கண்காணிக்க வேண்டும் என்றும் இல்லத்தரசிகள் கோரிக்கை விடுத்து உள்ளனர்.
