7th Pay Commission: குடியரசு தினத்துக்கு முன் மத்திய அரசு ஊழியர்களுக்கு மகிழ்ச்சி செய்தி வெளியாக காத்திருக்கிறது. அதாவது, மத்திய அரசு ஊழியர்களுக்கான குறைந்தபட்ச ஊதியம் விரைவில் உயர்த்தப்படவுள்ளதாக அதிகாரிகள் வட்டாரத்தில் தகவல் வெளியாகியுள்ளது.
இதன்படி, குடியரசு தினமான ஜனவரி 26ஆம் தேதிக்கு முன் மத்திய அரசு ஊழியர்களுக்கான சம்பள உயர்வு குறித்து அரசிடம் இருந்து அறிவிப்பு வெளியாகும் என எதிர்பார்க்கப்படுகிறது. அதாவது, அரசு ஊழியர்களுக்கான Fitment factor விரைவில் உயர்த்தப்படவுள்ளது.
Fitment factor உயர்த்தப்பட்டாலே அரசு ஊழியர்களுக்கான அடிப்படை ஊதியமும் சேர்த்து உயரும். இதற்காக, தற்போதுள்ள Fitment factor 2.57 விழுக்காட்டில் இருந்து 3.68 விழுக்காடாக உயர்த்தப்படவுள்ளது. இதன் விளைவாக அரசு ஊழியர்களின் அடிப்படை ஊதியம் 18000 ரூபாயில் இருந்து 26000 ரூபாயாக உயரும்.
இது மத்திய அரசு ஊழியர் சங்கங்களின் நீண்டகால கோரிக்கை என்பதும் குறிப்பிடத்தக்கது. இதன் விளைவாக அரசு ஊழியர்களுக்கான அடிப்படை ஊதியம் 8000 ரூபாய் உயரும். இதுகுறித்த அறிவிப்பு குடியரசு தினத்துக்கு முன் வெளியாகும் என எதிர்பார்க்கப்படுகிறது.
இதுமட்டுமல்லாமல், ஒவ்வொரு ஆண்டும் ஜனவரி மாதமும், ஜூலை மாதமும் மத்திய அரசு ஊழியர்களுக்கான அகவிலைப்படி உயர்த்தப்படும். இவ்வகையில், இம்மாதமே மத்திய அரசு ஊழியர்களுக்கான அகவிலைப்படி 3% உயர்த்தப்பட்டு 34% ஆக உயரும் என எதிர்பார்க்கப்படுகிறது.
ஆக, அரசு ஊழியர்களுக்கு குறிந்தபட்ச ஊதியம் உயர்வு, அகவிலைப்படி உயர்வு என இரண்டு ஜாக்பாட் அறிவிப்புகள் இந்த மாதமே வெளியாகும் என எதிர்பார்க்கப்படுகிறது.
இதையும் படிங்க: மு.க. ஸ்டாலின் நாளை மருத்துவ நிபுணர்களுடன் ஆலோசனை