சித்ரதுர்கா: Shepherds stuck : வட கர்நாடகத்தில் கடந்த சில நாட்களாக தொடர் மழை பெய்து வருகிறது. கனமழையால் மக்களின் இயல்பு வாழ்க்கை முடங்கியுள்ளது. சித்ரதுர்கா மாவட்டம் ஹோசதுர்கா தாலுகாவில் உள்ள வி.வி.சாகர் காயல் கிராமங்களைச் சேர்ந்த ஆடு மேய்ப்பவர்கள் கன மழைக் காரணமாக மலையில் சிக்கித் தவிக்கின்றனர். விவிசாகரில் அதிக அளவு தண்ணீர் வருவதால், மலையில் தண்ணீர் சூழ்ந்துள்ளதால், கடந்த 12 நாட்களாக மேய்ப்பவர்கள் மலையில் சிக்கி தவித்து வருகின்றனர்.
ஹொசதுர்கா எம்எல்ஏ கூலிஹட்டி டி.சேகர், தாசில்தார் மல்லிகார்ஜுனப்பா (Hosadurga MLA Koolihatty D. Shekhar, Tahsildar Mallikarjunappa) ஆகியோர் இன்று கால்நடைகள், மாடு மேய்ப்பவர்களை தேடும் நோக்கில் மலைப்பகுதியை பார்வையிட்டனர். அங்கு சிக்கிக் கொண்டவர்களுக்கு தேவையான உணவுப் பெட்டிகள், அன்றாடத் தேவைகள், கொட்டகைகள் கட்டுவதற்குத் தேவையான உபகரணங்களை தெப்பம் மூலம் கொண்டு சென்று வழங்கினர். இந்த குழுவில் 50 மேய்ப்பர்கள் உள்ளனர், அவர்களுடன் 2500 ஆடுகளும் கடந்த 12 நாட்களாக மலையில் சிக்கிக் கொண்டுள்ளனர். இவர்கள் அனைவரும் ஹொசதுர்கா தாலுக்காவின் ஹோசதிம்மப்பஹட்டி, நாகதிஹள்ளி, எரண்ணனஹட்டி கிராமத்தைச் சேர்ந்த ஆடு மேய்ப்பவர்கள்.
மலைப்பகுதியில் கரடி, சிறுத்தைப்புலிகள் நடமாட்டம் அதிகம் (There is a lot of movement of bears, leopards and tigers in the mountains) உள்ளதால், ஆடு மேய்க்கும் குடும்பத்தினர் தங்கள் குடும்பத்திற்கு என்ன ஆகுமோ என்ற கவலையில் உள்ளனர். தற்போது, உணவு தயாரிப்பு மற்றும் பருப்புகளுக்கு தேவையான பொருட்களை தாலுகா நிர்வாகம் சப்ளை செய்துள்ளது. மலையை சுற்றி தேங்கும் தண்ணீரின் அளவு குறைவதற்கான அறிகுறியே தென்படாததால், ஆடு மேய்ப்பவர்கள் இன்னும் சில நாட்கள் மலையிலேயே தங்க வேண்டியுள்ளது.