.
மங்களூரு : Heavy rain in South Kannada District Sulya taluk : தென் கன்னட மாவட்டத்தில் கனமழை : தென் கன்னட மாவட்டத்தின் சுள்யா வட்டத்தில் கும்பக் கரண மழையால் கடுமையாக பாதிக்கப்பட்டுள்ளது. புதன்கிழமை இரவு முதல் பெய்து வரும் கன மழையால் மக்களின் இயல்பு வாழ்க்கை முற்றிலும் பாதிக்கப்பட்டுள்ளது. பல இடங்களில் வீடுகளுக்குள் தண்ணீர் புகுந்துள்ள நிலையில், பல இடங்களில் பெரிய மரங்கள் விழுந்து சாலை இணைப்புகள் துண்டிக்கப்பட்டுள்ளன. அதுமட்டுமல்லாது சில பாலங்கள் அடித்து செல்லப்பட்டு, சுள்ளியா வட்டத்தில் உள்ள மக்கள் வெளி ஊர்களின் தொடர்பு முழுவதுமாக துண்டிக்கப்பட்டுள்ளது.
சுள்யா வட்டம் ( Sulya taluk) கல்மகாரியில் தண்ணீர் வெடிப்பு சம்பவம் ஏற்பட்டதால், அங்கிருந்த பாலம் அடித்துச் செல்லப்பட்டது. இதனால் கல்மகரியில் இருந்து கோபட்கா, குலிகானா, ஷெட்டிகட்டா போன்ற பகுதிகளின் இணைப்பு முற்றிலும் துண்டிக்கப்பட்டுள்ளது. இந்த கிராமங்களில் வசிக்கும் இருநூறுக்கும் மேற்பட்ட குடும்பங்கள் மற்ற கிராமங்களுடனான தொடர்பு முழுமையாக துண்டிக்கப்பட்டுள்ளது.
குலிகானா என்ற கிராமத்தில் வருணனின் அட்டகாசத்தால் ஆபத்தில் சிக்கிய 6 குடும்பங்கள் வெளியேற்றப்பட்டுள்ளனர். 6 குடும்பங்களைச் சேர்ந்த 21 பேர் தீயணைப்பு படையினரால் (fire brigade) பாதுகாப்பான இடத்துக்கு மாற்றப்பட்டுள்ளனர். தேசிய பேரிடம் மீட்பு படையினரால் (NDRF) மற்றும் தீயணைப்பு படையினர் கல்மகாறு பகுதியில் முகாமிட்டு அசம்பாவிதம் ஏதும் ஏற்படாமல் இருக்க முன்னெச்சரிக்கை நடவடிக்கையாக பாதுகாப்பு பணியில் ஈடுபட்டு வருகின்றனர்.
மலையடிவாரத்தில் உள்ள குலிகானா கிராமத்தைச் சேர்ந்த 6 குடும்பத்தினர் கல்மகாறு அரசுப் பள்ளி காப்பகத்துக்கு (Govt School Archive) மாற்றப்பட்டுள்ளனர். சிகிச்சை மையத்தில் பாதிக்கப்பட்டவர்களை தங்க வைப்பதற்கான அனைத்து ஏற்பாடுகளையும் மாவட்ட நிர்வாகம் செய்துள்ளது. 2018-ம் ஆண்டும் குலிகானாவில் இதுபோன்ற தண்ணீர் வெடிப்பு சம்பவம் ஏற்பட்டு, வெள்ளம் கரை புரண்டு ஓடியதால் கடுமையான பாதிப்பு ஏற்பட்டது. அப்போதும், இந்த குடும்பங்கள் அனைத்தையும் நிரந்தரமாக மாற்றுவதாக அதிகாரிகள் உறுதி அளித்தும், நிறைவேற்றப்படவில்லை. எனவே இம் முறையாவது தங்களுக்கு நிரந்தர தீர்வு வழங்க வேண்டும் என அவர்கள் அரசை வலியுறுத்தியுள்ளனர்.