பெங்களூரு: Yeddyurappa should resign : மாநிலத்தின் முதல்வராக யட்னல் ஆகிவிடுவார் என்று காங்கிரஸ் கட்சியினர் அஞ்சுவதாக எம்எல்ஏ பசவன கவுடா பாட்டீல் யத்னால் கூறியுள்ளார். இந்த விவகாரம் குறித்து விதான சௌதாவில் பேசிய அவர், நான் முதல்வரானால் ஒருவர் சிறைக்கு செல்ல வேண்டும், மற்றொருவர் காட்டுக்கு செல்ல நேரிடும். முதல்வர் பசவராஜ் பொம்மையை கண்டு காங்கிரஸ் கட்சியினர் பயப்படவில்லை. எடியூரப்பாவை கண்டும் அவர்கள் பயப்படவில்லை. என்னைக் கண்டால் காங்கிரஸ் கட்சியினர் அஞ்சுகின்றனர். திகார் சிறையில் எந்த பாறையும் இல்லை. கல்லும் இல்லை என்று டி,கே.சிவகுமாரை இடித்து பேசினார்.
அதே நேரத்தில், முன்னாள் முதல்வர் பி.எஸ் எடியூரப்பா (Former Chief Minister BS Yeddyurappa) மீது முதல் தகவல் அறிக்கையை பதிவு செய்ய நீதிமன்றம் உத்தரவிட்டது குறித்து பேசிய அவர், எவ்வளவு பெரிய புலியாக இருந்தாலும் சட்டத்தின் முன் தலைவணங்க வேண்டும் என்றார். எல்.கே.அத்வானி ஒருமுறை குற்றம் சாட்டப்பட்டார். அப்போது எல்.கே.அத்வானி தனது பதவியை ராஜினாமா செய்தார்.எல்.கே.அத்வானி, வாஜ்பாயை விட எடியூரப்பாபெரியவரா? அவரும் எல்.கே.அத்வானி போல் நடந்து கொள்ள வேண்டும். குற்றச்சாட்டுகள் காரணமாக பி.எஸ்.எடியூரப்பா அல்லது வேறு யாரேனும் ஒருவர் என்றாலும் சட்டப்பேரவை உறுப்பினர் பதவியை ராஜினாமா செய்ய வேண்டும் என்று அவர் கோரியுள்ளார்.
சமூக ஆர்வலர் டி.ஜே.ஆபிரகாம் (Social activist DJ Abraham) தாக்கல் செய்த புகாரின்படி, பி.எஸ்.எடியூரப்பா குடும்பம் மீதான ஊழல் வழக்கு தொடர்பாக லோக்ஆயுக்தாவில் முதல் தகவல் அறிக்கை பதிவு செய்ய உயர்நீதிமன்றம் உத்தரவிட்டுள்ளது, இதற்கு முன்பு சமூக ஆர்வலர் டிஜே ஆபிரகாம் தாக்கல் செய்த மனுவை ஜூலை 2021 இல் மக்கள் பிரதிநிதிகளின் நீதிமன்றம் ரத்து செய்தது. ஆனால் சிறப்பு நீதிமன்றத்தின் இந்த உத்தரவை எதிர்த்து ஆபிரகாம் உயர் நீதிமன்றத்தை அணுகினார்.