பெங்களூரு: BBMP Master Plan to Garbage Collection : சிலிக்கான் சிட்டி பெங்களூரு நாளுக்கு நாள் வளர்ந்து வருகிறது. இதனால் நகர நிர்வாகம் பெங்களூரு மாநகராட்சிக்கு பெரும் தலைவலியாக மாறியுள்ளது. குறிப்பாக நகரின் கழிவு மேலாண்மை என்பது பெங்களூரு மாநகராட்சிக்கு வெள்ளை யானையை போல் உள்ளது. எனவே, கழிவு மேலாண்மை மற்றும் போக்குவரத்துக்கு மாதந்தோறும் பல கோடி ரூபாய் செலவழித்து வரும் பெங்களூரு மாநகராட்சி, தற்போது இந்த செலவை தவிர்க்கும் வகையில் மாஸ்டர் பிளானுடன் தயாராகி வருகிறது.
தற்போது, பெங்களூரு மாநகராட்சி குப்பைகள் மண்டூர், கன்னஹள்ளியில் கொட்டப்பட்டு, தரம் பிரிக்கப்படுகிறது. இப்பகுதிக்கு தினமும் அனைத்து பகுதிகளிலிருந்தும் குப்பைகள் கொண்டு வரப்பட்டு அப்புறப்படுத்தப்பட்டு வருகிறது. இதற்காக, பெங்களூரு மாநகராட்சி மாதந்தோறும் சுமார் ரூ. 55 கோடி செலவிடுகிறது. இந்தத் தொகை ஆண்டுக்கு ரூ. 660 கோடி செலவாகிறது (Annual Rs.660 crore is spent). இந்த பணத்தை மிச்சப்படுத்த மற்றொரு மெகா திட்டத்தை வகுத்துள்ள பெங்களூரு மாநகராட்சி கழிவு மேலாண்மை போக்குவரத்து பொறுப்பை அடுக்குமாடி குடியிருப்பு, ஓட்டல், தொழில் நிறுவனங்களுக்கும், தனியார் ஏஜன்ஸிகளுக்கும் வழங்க ஆலோசித்து வருகிறது.
அடுக்குமாடி குடியிருப்புகள், ஓட்டல்கள், ஏஜென்சிகள் மூலம் குப்பைகளை குப்பை கிடங்குகளுக்கு வழங்க வேண்டும் என்ற விதியை உருவாக்க மாநகராட்சி தயாராக உள்ளது.பெங்களூரு மாநகராட்சி திடக்கழிவு மேலாண்மைப் பிரிவு, கழிவுப் போக்குவரத்துக்கு தகுதியான ஏஜென்சிகளுக்கு உரிமம் (Licensing agencies) வழங்கும். பெங்களூரு மாநகராட்சி உரிமம் பெற்ற ஏஜென்சிகள் அடுக்குமாடி குடியிருப்புகள், ஓட்டல்கள், தொழிற்சாலைகள் ஆகியவற்றில் இருந்து குப்பைகளை சேகரிக்கலாம். இதற்கான கட்டணத்தை பெங்களூரு மாநகராட்சி நிர்ணயிக்கும்.
இதனால், அதிகளவில் கழிவுகளை உற்பத்தி செய்யும் உணவகங்கள், ஓட்டல்கள், தொழிற்சாலைகள் (Restaurants, hotels, factories) தங்களது சொந்த கழிவு மேலாண்மைக்கு கடுமையாக உழைக்க வேண்டியிருக்கும். இந்த ஹோட்டல்கள் மற்றும் பிற நிறுவனங்கள் தங்கள் குப்பைகளை பெங்களூரு மாநகராட்சியால் அடையாளம் காணப்பட்ட கழிவு சேகரிப்பு நிறுவனங்களிடம் ஒப்படைப்பது மட்டுமல்லாமல், அதைக் கொண்டு செல்வதற்கு ஒரு நிலையான கட்டணத்தையும் செலுத்துகின்றன.
மொத்தக் கழிவுகளை சேகரித்து அப்புறப்படுத்த மாநகராட்சியால் ஆண்டுக்கு ரூ. 660 கோடி ரூபாய் செலவிடப்படுகிறது. இதை கட்டுப்படுத்த புதிய உத்தி வகுக்கப்பட்டுள்ளது (A new strategy is formulated). இந்த திட்டம் எந்த அளவிற்கு வெற்றி பெறும், நகரின் வர்த்தக நிறுவனங்கள் இதற்கு எப்படி ஒத்துழைப்பு வழங்கும் என்பதை பொறுத்திருந்து தான் பார்க்க வேண்டும்.