மெல்போர்ன்: India vs Pakistan Rain threat : ஒட்டுமொத்த கிரிக்கெட் உலகின் பார்வையும் ஞாயிற்றுக்கிழமை நடைபெறவுள்ள டி20 உலகக் கோப்பை போட்டியின் மீதே உள்ளது. பாரம்பரிய போட்டியாளர்களுக்கு இடையேயான இந்த ஹைடென்ஷன் போட்டியை மெல்போர்ன் கிரிக்கெட் மைதானம் நடத்தவுள்ளது. இந்தியா Vs பாக் மெகா போட்டிக்கான கவுன்ட்டவுன் தொடங்கியுள்ள நிலையில் மெல்போர்னில் இருந்து ஒரு அதிர்ச்சி தகவல் வெளியாகியுள்ளது. போட்டிக்கு மழை அச்சுறுத்தல் உள்ளதாகவும், ஞாயிற்றுக்கிழமை மெல்போர்னில் மழை பெய்ய வாய்ப்பு உள்ளதாகவும் வானிலை ஆய்வு மையம் தெரிவித்துள்ளது. மழை பெய்ய வாய்ப்பு இருப்பதாக தகவல் அளித்துள்ள வானிலை ஆய்வு மையம், 80 சதம் மழை நிச்சயம் என கூறியுள்ளது.
பிரிஸ்பேனில் உள்ள காபா மைதானத்தில் (At the Gabba Stadium in Brisbane) புதன்கிழமை நடைபெறவிருந்த இந்தியா – நியூசிலாந்து அணிகளுக்கு இடையிலான பயிற்சி ஆட்டம் ஒரு பந்து கூட வீசப்படாமல் ரத்து செய்யப்பட்டது. இப்போது பாகிஸ்தானுக்கு எதிரான போட்டியும் மழையால் கவலையடைந்துள்ளது.
வானிலை முன்னறிவிப்பின்படி (Melbourne Weather Forecast) ஞாயிற்றுக்கிழமை காலை மற்றும் மாலையில் மெல்போர்னில் மழை பெய்ய வாய்ப்பு உள்ளது. மழையால் போட்டி ரத்து செய்யப்பட்டால், ரிசர்வ் நாள் கிடையாது. இதனால் இரு அணிகளும் புள்ளிகளைப் பகிர்ந்து கொள்ளும்.
இந்தியா-பாகிஸ்தான் போட்டிக்கான டிக்கெட்டுகள் (Tickets for India-Pakistan match) ஏற்கனவே விற்றுத் தீர்ந்துவிட்ட நிலையில், சுமார் 50 ஆயிரம் பேர் டிக்கெட் வாங்கியுள்ளனர். இந்த போட்டிக்காக உலகம் முழுவதும் உள்ள கிரிக்கெட் ரசிகர்கள் காத்திருக்கின்றனர். இந்தியாவுக்கு இது மிகவும் முக்கியமான போட்டி. 2021 ஐசிசி டி20 உலகக் கோப்பையின் முதல் போட்டியில் பாகிஸ்தானுக்கு எதிராக தோல்வியடைந்த இந்தியா, அந்த தோல்விக்கு பழிவாங்கும் நோக்கத்தில் உள்ளது. 2021ஆம் ஆண்டு துபாயில் நடைபெற்ற உலகக் கோப்பை போட்டியில் பாகிஸ்தானுக்கு எதிராக 10 விக்கெட் வித்தியாசத்தில் இந்தியா படுதோல்வி அடைந்தது.
இந்தியாவும் பாகிஸ்தானும் ஒரு ஆண்டில் நான்காவது முறையாக நேருக்கு நேர் மோதுகின்றன (India and Pakistan will face each other for the fourth time in a year). கடந்த டி20 உலகக் கோப்பைக்குப் பிறகு, பரம எதிரிகள் ஆசிய கோப்பை போட்டியில் இரண்டு முறை சந்தித்தனர். இந்தியா ஒருமுறை வென்றது, பாகிஸ்தான் மீண்டும் வென்றது.