லார்ட்ஸ்: கிரிக்கெட்டின் காசி எனக் கூறப்படும் லார்ட்ஸ் மைதானத்தில் சனிக்கிழமை நடைபெற்ற இங்கிலாந்துக்கு எதிரான 3 வது ஒருநாள் போட்டியின் மூலம் ஜூலன் கோஸ்வாமி (Jhulan Goswami) கிரிக்கெட்டிலிருந்து விடை பெற்றார். இங்கிலாந்துக்கு எதிரான 3 போட்டிகள் கொண்ட ஒரு நாள் தொடரை 3-0 என்ற கணக்கில் க்ளீன் ஸ்வீப் செய்த இந்திய மகளிர் அணி, புகழ் பெற்ற வீராங்கனைக்கு கொண்டாட்டத்துடன் பிரியா விடை கொடுத்தது. கோஸ்வாமி விடைபெறும் தருணத்தில், இந்திய அணி கேப்டன் ஹர்மன் ப்ரீத் கவுர், கோஸ்வாமியை கட்டிப்பிடித்து கண்ணீர் விட்டார்.
2002 ஆம் ஆண்டு சர்வதேச கிரிக்கெட்டில் அறிமுகமான 40 வயதான ஜூலன் கோஸ்வாமி, தனது வாழ்க்கையில் 12 டெஸ்ட், 204 ஒருநாள் மற்றும் 68 டி20 போட்டிகளில் விளையாடியுள்ளார் (played 12 Tests, 204 ODIs and 68 T20). சக்தா எக்ஸ்பிரஸ் புகழ் ஜூலன் கோஸ்வாமியின் ஓய்வுக்கு ஒட்டுமொத்த கிரிக்கெட் உலகமும் வாழ்த்து தெரிவித்தது.
ஜூலன் கோஸ்வாமியின் வாழ்க்கை வரலாறு திரைப்படமாக உருவாகிறது. படத்தின் பெயர் “சக்தா எக்ஸ்பிரஸ்” (Shakta Express). இந்தியாவின் ரன் மெஷின் விராட் கோலியின் மனைவி அனுஷ்கா ஷர்மா, சக்தா எக்ஸ்பிரஸ் படத்தில் கோஸ்வாமியாக நடிக்கிறார், இதன் படப்பிடிப்பு நடந்து வருகிறது.
ஜூலன் கோஸ்வாமியின் (Jhulan Goswami) பதிவுகள்:
353: பெண்கள் சர்வதேச கிரிக்கெட்டில் அதிக விக்கெட்டுகள்
253: பெண்கள் ஒரு நாள் சர்வதேச கிரிக்கெட்டில் அதிக விக்கெட்டுகள்
43: பெண்கள் உலகக் கோப்பையில் அதிக விக்கெட்டுகள்
2260.2: பெண்கள் சர்வதேச கிரிக்கெட்டில் அதிக ஓவர்கள்
6/31: பெண்கள் ஒருநாள் சர்வதேச கிரிக்கெட்டில் 3வது சிறந்த பந்துவீச்சு (2011 நியூசிலாந்துக்கு எதிராக)
44: இந்தியாவுக்காக 12 டெஸ்ட் போட்டிகளில் எடுக்கப்பட்ட விக்கெட்டுகள்
204: பெண்கள் ஒரு நாள் சர்வதேச கிரிக்கெட்டில் 2வது அதிக போட்டிகள்
20 ஆண்டுகள், 261 நாட்கள்: ஒரு நாள் (ODI) கிரிக்கெட்டில் 2வது நீண்ட வாழ்க்கை
2007: ஐசிசி மகளிர் சிறந்த வீராங்கனை விருது
02: ஐசிசி உலகக் கோப்பையில் இரண்டு முறை இரண்டு முறை இடம் பெற்றது (2005, 2017)
03: மூன்று முறை ஆசிய கோப்பை வென்ற அணியில் உறுப்பினர்.