பெங்களூரு: (Arjun Tendulkar Yograj Singh) அப்பா கிரிக்கெட் உலகம் கண்டிராத தலைசிறந்த பேட்ஸ்மேன், அவரை கிரிக்கெட் உலகம் “கிரிக்கெட் கடவுள்” என்று அழைக்கிறது. ஆனால் மகன் மட்டும் இன்னும் கிரிக்கெட் விளையாட்டை விளையாட தொடங்கவில்லை. சச்சின் டெண்டுல்கர் 16 வயதில் இந்திய அணிக்காக விளையாடினார். ஆனால் அவரது மகன் அர்ஜுன் டெண்டுல்கருக்கு தற்போது 23 வயதாகிறது. அவர் இதுவரை ரஞ்சி கோப்பையில் கூட விளையாடவில்லை. கிரிக்கெட்டில் சாதிக்க வேண்டும் என்ற உறுதியுடன் இருக்கும் சச்சின் மகன், தற்போது டீம் இந்தியாவின் உலகக் கோப்பை நாயகன் யுவராஜ் சிங்கின் தந்தை யோக்ராஜ் சிங்கிடம் கிரிக்கெட் பயிற்சி பெற்று வருகிறார்.
ஜேபி ஆத்ரேயா நினைவு கிரிக்கெட் (JP Athreya Memorial Cricket) போட்டியில் விளையாடுவதற்காக சண்டிகரில் இருக்கும் யுவராஜ் சிங்கின் தந்தை யோக்ராஜ் சிங் சச்சினின் மகனுக்கு பேட்டிங் பாடம் கற்றுக் கொடுக்கிறார். யுவராஜ் சிங் தனது குழந்தை பருவத்தில் தனது தந்தையிடம் இருந்து கிரிக்கெட் பாடங்களைக் கற்றுக்கொண்டார். யுவராஜ் சிங்கின் கிரிக்கெட் வாழ்க்கைக்கு அவரது தந்தையிடமிருந்து கற்றுக்கொண்ட பாடங்கள் உறுதியான அடித்தளத்தை அமைத்தன. பின்னர், கிரிக்கெட் உலகில் பழம்பெரும் வீரராக வளர்ந்த யுவராஜ் சிங் இந்தியாவுக்கு இரண்டு உலகக் கோப்பைகளை வென்று தந்தார்.
அர்ஜுன் டெண்டுல்கருக்கு கிரிக்கெட் வித்தைகளை கற்றுக்கொடுக்கும் யோகராஜ் சிங், சச்சின் மகனுடன் பாங்க்ரா நடனமாடிய (Bhangra dance) வீடியோ சமூக வலைதளங்களில் வைரலாகி வருகிறது.
மும்பை அணிக்காக ஜூனியர் கிரிக்கெட்டில் விளையாடிய அர்ஜுன் டெண்டுல்கர், கிரிக்கெட்டில் விளையாட்டிற்காக கோவா அணிக்கு இடம் பெயர்ந்துள்ளார். மும்பை அணியில் வாய்ப்பு கிடைக்கும் சந்தர்ப்பம் குறைவாக உள்ளதால், கோவா வந்துள்ள சச்சின் மகன் அடுத்த உள்நாட்டு கிரிக்கெட்டில் கோவா அணிக்காக விளையாடவுள்ளார் (He will play for the Goa team). ஜேபி ஆத்ரேயா நினைவு கிரிக்கெட் போட்டியில் கோவா அணிக்காக அர்ஜூன் டெண்டுல்கர் விளையாடவுள்ளார்.