கவுகாத்தி: தென் ஆப்ரிக்காவுக்கு எதிரான 2வது டி20 போட்டியில் ரன் மழையில் 16 ரன்கள் வித்தியாசத்தில் வெற்றி பெற்ற இந்திய அணி, 3 போட்டிகள் கொண்ட தொடரில் (India vs South Africa T20 series) 2-0 என முன்னிலை பெற்றது. இந்தியாவின் இன்னிங்ஸின் போது, ஒரு பாம்பு மைதானத்திற்குள் நுழைந்ததால், போட்டி சிறிது நேரம் நிறுத்தப்பட்டது.
(India vs South Africa T20 series) கவுகாத்தியில் உள்ள பர்சபராவில் உள்ள அசாம் கிரிக்கெட் சங்க மைதானத்தில் ஞாயிற்றுக்கிழமை நடைபெற்ற ஆட்டத்தில் 40 ஓவர்களில் மொத்தம் 458 ரன்கள் குவிக்கப்பட்டது. இரு அணிகளும் அடித்த பவுண்டரி-சிக்சர்களின் எண்ணிக்கை 65 (40 பவுண்டரிகள், 25 சிக்சர்கள்). இதில், இந்திய வீரர்கள் 25 பவுண்டரிகள் மற்றும் 13 சிக்சர்களை அடித்தனர்.
டாஸ் இழந்து முதலில் பேட்டிங் செய்த இந்திய அணி நிர்ணயிக்கப்பட்ட 20 ஓவர்களில் 3 விக்கெட் இழப்புக்கு 237 ரன்கள் குவித்தது. தொடக்க ஆட்டக்காரர் கே.எல்.ராகுல் 28 பந்துகளில் 5 பவுண்டரிகள், 4 சிக்ஸர்களுடன் 57 ரன்களும், முன்னாள் கேப்டன் விராட் கோலி 28 பந்துகளில் ஆட்டமிழக்காமல் 49 ரன்களும் (7 fours, 1 six) எடுத்தனர். 4-வது இடத்தில் களமிறங்கிய சூர்யகுமார் யாதவ் 22 பந்துகளில் 5 பவுண்டரிகள், 5 சிக்ஸர்களுடன் 61 ரன்கள் குவித்தார்.
இலக்கை துரத்திய தென்னாப்பிரிக்கா 20 ஓவரில் 3 விக்கெட் இழப்புக்கு 221 ரன்கள் எடுத்து வீர தோல்வியைத் தழுவியது.தென் ஆப்ரிக்கா தரப்பில் டேவிட் மில்லர் அதிரடி சதம் (106* runs, 47 balls, 8 fours, 7 sixes) விளாசினாலும், அந்த அணியால் வெற்றி பெற முடியவில்லை.
இந்திய அணி பேட்டிங் செய்து கொண்டிருந்த 7வது ஓவரில் ஒரு ஆச்சரியமான சம்பவம் நடந்தது. மைதானத்திற்குள் பாம்பு புகுந்ததால் (snake entered the ground) போட்டி சில நிமிடங்கள் நிறுத்தப்பட்டது. டிவி திரையில் பாம்பு தெரிந்தவுடன் மைதானத்தில் இருந்த ஊழியர்கள் மைதானத்திற்குள் நுழைந்து பாம்பை பிடித்து போட்டியை தொடர உதவினர்.