தில்லி: Bs yeddiyurappa: மாநில சட்டப்பேரவைத் தேர்தலுக்கு முன்பாக பாஜகவில் பல மாற்றங்கள் நிகழ்ந்து வருகின்றன. பாஜக நாடாளுமன்றம், தேர்தல் குழுவுக்கு தேர்வு செய்யப்பட்ட பின், பி.எஸ்.எடியூரப்பா, திடீரென முதல் முறையாக தில்லி சென்றுள்ளார். தில்லி சென்றுள்ள முன்னாள் முதல்வர் எடியூரப்பா, முக்கிய தலைவர்களுடன் மாநில அரசியல் குறித்து முக்கிய ஆலோசனை நடத்துகிறார்.
பி.எஸ்.எடியூரப்பா பெங்களூரு சர்வதேச விமான நிலையத்தில் (Bangalore International Airport) இருந்து மதியம் 1 மணியளவில் புறப்பட்டு தில்லி சென்றடைந்தார். தில்லி சென்றடைந்தபோது அங்கிருந்த செய்தியாளர்களிடம் பேசிய எடியூரப்பா, மாநிலத்தில் பாஜக மாநிலத் தலைவர் பதவிக்கு விரைவில் மாற்றம் வரும் என்று ஒரு முக்கிய குறிப்பை தெரிவித்தார்.
தில்லியில் செய்தியாளர்களிடம் பேசிய முன்னாள் முதல்வர் பிஎஸ் எடியூரப்பா, இன்று இரவு 8 மணிக்கு பாஜக தேசிய தலைவர் ஜேபி நட்டாவை (BJP National President JP Natta) சந்திக்க உள்ளதாக தெரிவித்தார். விரைவில் பிரதமர் நரேந்திர மோடியை சந்திக்க உள்ளேன். மத்திய உள்துறை அமைச்சர் அமித் ஷாவை சந்திக்க நேரம் கேட்டுள்ளேன். இன்று மூவரையும் சந்திக்கிறேன். நான் பாஜக நாடாளுமன்றம், தேர்தல் குழுவிற்கு தேர்வு செய்யப்பட்ட பின்னர் கட்சித் தலைவர்களுக்கு நன்றி தெரிவிப்பது எனது கடமையாகும். அதனால்தான் இங்கு வந்தோம். இந்த பயணத்தின் போது மாநில அரசியல் குறித்தும் முக்கிய பிரமுகர்களுடன் ஆலோசிக்க உள்ளதாக தெரிவித்தார்.
அதே நேரத்தில் மாநிலத்தில் பாஜக மாநிலத் தலைவர் (BJP state president) மாற்றம் குறித்த விவாதங்கள் அதிகரித்து வருவது குறித்தும் பேசிய அவர், இந்த விவகாரம் குறித்து ஆலோசிக்கவே தில்லி வந்துள்ளேன் என்றார்.
முன்னாள் முதல்வர் பி.எஸ். எடியூரப்பா முதல்வர் பதவியில் இருந்து கீழ் இறக்கப்பட்ட பிறகு, கட்சி விவகாரங்கள் மட்டுமின்றி, ஆட்சி நிர்வாகத்திலும் ஆலோசனை வழங்குவது உள்ளிட்டவைகளை செய்யாமல் விலகி இருந்தார். இந்த நிலையில், 2023 ஆம் ஆண்டில், கர்நாடகத்தில் சட்டப்பேரவைத் தேர்தல் நடைபெற உள்ளது (Assembly elections are going to be held in Karnataka). இதில் வெற்றி பெற வேண்டுமென்றால், எடியூரப்பா இருந்தால் தான் அது சாத்தியமாகும் என்று கணக்கிட்ட கட்சி மேலிடம், அவரை பாஜக நாடாளுமன்றம், தேர்தல் குழுவுக்கு தேர்வு செய்துள்ளது. இதனையடுத்து நீண்ட நாள்களுக்கு பிறகு அவர் பாஜக தலைவர்களை சந்திக்க தில்லி சென்றுள்ளார்.