டெல்லி: Mulayam Singh Yadav dies : சமாஜ்வாதி கட்சியின் நிறுவனர் முலாயம் சிங் யாதவ் இன்று காலை 8:30 மணியளவில் குருகிராமில் உள்ள மேதாந்தா மருத்துவமனையில் காலமானார். கடந்த ஆகஸ்ட் 22-ம் தேதி உடல்நலக்குறைவு காரணமாக மேதாந்தா மருத்துவமனையில் அனுமதிக்கப்பட்ட முலாயம் சிங் யாதவ், அக்டோபர் 1-ம் தேதி இரவுஅவசர சிகிச்சை பிரிவுக்கு மாற்றப்பட்டார். மேதாந்தா மருத்துவமனையின் திறமையான மருத்துவர்கள் முலாயம் சிங் யாதவுக்கு தொடர்ந்து சிகிச்சை அளித்து வந்தனர்.
முலாயம் சிங் யாதவின் மகன் அகிலேஷ் யாதவின் அறிக்கை (Statement by Akhilesh Yadav, son of Mulayam Singh Yadav) சமாஜ்வாதி கட்சியின் அதிகாரப்பூர்வ ட்விட்டர் கணக்கில் பகிரப்பட்டுள்ளது. என் மதிப்பிற்குரிய தந்தை மற்றும் அனைவரின் தலைவருமான முலாயம் சிங் யாதவ் இப்போது இல்லை என்று அகிலேஷ் யாதவ் அறிக்கையில் பகிரப்பட்டுள்ளது. முலாயம் சிங் யாதவின் உடல்நிலை கவலைக்கிடமாக உள்ளதாக சமாஜ்வாடி கட்சி ஞாயிற்றுக்கிழமை தகவல் அளித்தது. அவர் உயிர்காக்கும் மருந்துகளை உட்கொண்டிருப்பதாகவும் கூறப்பட்டது.
நேதாஜி என்று அழைக்கப்படும் முலாயம் சிங் யாதவ் சமாஜ்வாதி என்ற கட்சியை நிறுவினார் )Mulayam Singh Yadav founded a party called Samajwadi). முலாயம் சிங் யாதவ் தற்போது மெயின்புரி தொகுதியில் மக்களவை தேர்தலில் போட்டியிட்டு வெற்றி பெற்றிருந்தார். முலாயம் சிங் யாதவின் மனைவி சாதனா குப்தா இந்த ஆண்டு ஜூலை மாதம் காலமானார். நுரையீரல் தொற்று காரணமாக குருகிராமில் உள்ள தனியார் மருத்துவமனையில் அனுமதிக்கப்பட்டார். முலாயம் சிங் யாதவின் இரண்டாவது மனைவி சாதனா குப்தா. இவரது முதல் மனைவி மாலதி தேவி கடந்த 2003ம் ஆண்டு இறந்து விட்டார். முலாயம் சிங் யாதவின் முதல் மனைவி மாலதி தேவியின் மகந்தான் அகிலேஷ் யாதவ்.
1939 ஆம் ஆண்டு நவம்பர் 22 ஆம் தேதி பிறந்த முலாயம் சிங் யாதவ், சமாஜ்வாதி கட்சியை நிறுவினார். இவர் இதற்கு முன் உத்தரபிரதேச முதல்வராகவும், மத்திய பாதுகாப்பு அமைச்சராகவும் பதவி வகித்துள்ளார் (He has served as Chief Minister of Uttar Pradesh and Union Defense Minister) என்பது குறிப்பிடத்தக்கது.