Salman Khan down with dengue : தமிழில் கமலஹாசன், கன்னடத்தின் பிக்பாஸ் நிகழ்ச்சியை சுதீப் நினைவு கூர்வது போல, பிக்பாஸின் இந்தி பதிப்பு நினைவுக்கு வரும்போது சல்மான் கான் கவனத்திற்கு வருகிறார். தற்போது இந்தியில் பிக்பாஸ் 16வது சீசன் நடந்து வருகிறது. கடந்த வார இறுதியில் பிக் பாஸ் நிகழ்ச்சியை பாலிவுட் நடிகர் சல்மான் கான் தொகுத்து வழங்கவில்லை. இதற்குப் பிறகு சல்மான் கான் ஏன் பிக்பாஸில் வரவில்லை என்று பலரும் கேள்வி எழுப்பி வருகின்றனர். ஆனால் மீடியா செய்திகளின்படி, கெட்ட பையன் சல்மான்கான் டெங்குவால் பாதிக்கப்பட்டுள்ளார். எனவே, வார இறுதி நிகழ்ச்சியை தள்ளி வைக்க இயலாது என்று கூறப்படுகிறது. சல்மான் கான் டெங்குவால் பாதிக்கப்பட்டிருப்பது குறித்த அதிகாரப்பூர்வ தகவல் இன்னும் வெளியாகவில்லை.
பிக் பாஸ் OTT சீசனை இயக்குனரும், தயாரிப்பாளருமான கரண் ஜோஹர் தொகுத்து வழங்குவதை (Hosted by Karan Johar) அனைவரும் அறிந்ததே. பிக் பாஸ் சீசன் 16 வார இறுதி நிகழ்ச்சியை சல்மான் கானுக்கு பதிலாக கரண் ஜோஹர் தொகுத்து வழங்கினார்.
வீக்கெண்ட் கா வார் எபிசோடில், சல்மான் கான் போட்டியாளர்களுடன் முழு வாரத்தின் கதையைப் பற்றி விவாதித்து அவர்களுக்கு வழிகாட்டுவார் மற்றும் தேவைப்படும்போது போட்டியாளர்களை வசைபாடுவதிலும் சளைத்தவர் அல்ல. இந்த வார இறுதி நிகழ்ச்சியின் சனிக்கிழமை எபிசோடில் சல்மான் கான் தோன்றுவார் என்று முன்பு கூறப்பட்டது. ஆனால் தற்போது அடுத்த வாரம் வார இறுதி எபிசோடில் சல்மான் கான் தோன்றுவார் என தகவல் வெளியாகியுள்ளது. இது குறித்த அதிகாரப்பூர்வ அறிவிப்பு இன்னும் வெளிவரவில்லை. அக்டோபர் 25 முதல் கிசி கா பாத் கிசி கா ஜான் படப்பிடிப்பிலும் அவர் பங்கேற்பார் என்று எதிர்பார்க்கப்படுகிறது. இந்த வாரம் இந்தி பிக்பாஸ் நிகழ்ச்சியில் (Hindi Bigg Boss show0சும்புல் தவுக்கீர் கான், மன்யா சிங் மற்றும் ஷாலின் பானோட் ஆகியோர் வெளியேற்றுவதற்காக பரிந்துரைக்கப்பட்டுள்ளனர்.