புதுடில்லி: Rajnath Singh: காஷ்மீர் விவகாரத்தில் இந்தியாவிற்கு தொடர்ந்து பாகிஸ்தான் தொடர்ந்து பிரச்னைகளை ஏற்படுத்தி வருகிறது. எனவே பாகிஸ்தானுக்கு பாதுகாப்பு அமைச்சர் ராஜ்நாத் சிங் கடும் எச்சரிக்கை விடுத்துள்ளார். 2019 ஆம் ஆண்டு ஆகஸ்ட் 5 ஆம் தேதி தொடங்கிய ஜம்மு-காஷ்மீர் ஒருங்கிணைப்பு, பாகிஸ்தான் ஆக்கிரமிப்பு காஷ்மீரை முழுமையாகக் கைப்பற்றிய பின்னரே முடிவடையும் என்று அவர் கூறினார்.
சௌர்யா திவாஸ் கொண்டாட்டத்தில் பேசிய அவர், பாகிஸ்தான் ஆக்கிரமிப்பு காஷ்மீர் மக்கள் பாகிஸ்தானால் ஒடுக்கப்பட்டு வருவதாகவும், மறுபுறம் காஷ்மீர் மற்றும் லடாக் (Kashmir and Ladakh) மக்கள் 2019 முதல் வளர்ச்சிப் பாதையில் செல்வதாகவும் கூறினார். நாங்கள் ஜம்மு காஷ்மீர். லடாக்கின் வளர்ச்சிப் பயணத்தைத இப்போதுதான் தொடங்கியுள்ளோம். கில்கிட், பால்டிஸ்தானை அடையும் போதுதான் எங்கள் இலக்கை அடைவோம். இது வெறும் ஆரம்பம் தான். பாகிஸ்தான் ஆக்கிரமிப்பு காஷ்மீரில் உள்ள கில்கிட், பால்டிஸ்தான் மற்றும் போக் பகுதிகள் விரைவில் இந்தியாவுடன் இணைக்கப்படும். 1947 ஆம் ஆண்டு அகதிகளாக தஞ்சம் அடைந்தவர்களுக்கு அவர்களது நிலம் மற்றும் வீடுகள் மீளப் பெற்றுத் தரப்படும் என்றார்.
தீவிரவாதத்திற்கு மதம் கிடையாது (Terrorism has no religion). தீவிரவாதிகளின் நோக்கம் இந்தியாவை குறிவைப்பதுதான். பாகிஸ்தான் ஆக்கிரமிப்பு காஷ்மீரில் எல்லை மீறி பாகிஸ்தான் செயல்படுகிறது. பாகிஸ்தான் ஆக்கிரமிப்பு காஷ்மீரில் உள்ள மக்களுக்கு உரிமைகள் மறுக்கப்படுகின்றன. மனித உரிமை மீறல்களுக்காக முதலைக் கண்ணீர் வடிக்கும் பாகிஸ்தானை நான் கேட்க விரும்புகிறேன், இதற்கு நீங்கள் என்ன சொல்கிறீர்கள்? இந்தப் பகுதிகளை பாகிஸ்தான் சட்டவிரோதமாக ஆக்கிரமித்து வெறுப்பை விதைத்துள்ளது. போக் பகுதியில் வசிக்கும் மக்கள் மீது நடத்தும் அடக்குமுறை கொள்கைக்கு பாகிஸ்தான் விலை கொடுக்கும் நாட்கள் வெகு தொலைவில் இல்லை என்று ராஜ்நாத் சிங் கடக் எச்சரித்தார். ராஜ்நாத் சிங், 1994-ம் ஆண்டு பாகிஸ்தான் ஆக்கிரமிப்பு பகுதியான போக்கை மீட்பதற்காக நாடாளுமன்றத்தில் நிறைவேற்றப்பட்ட தீர்மானத்தை குறிப்பிட்டார்.