தில்லி: Droupadi Murmu takes oath : நாட்டின் 15-வது குடியரசு தலைவராக பழங்குடியின சமூகத்தைச் சேர்ந்த முதல் பெண்ணான திரௌபதி முர்மு இன்று பதவியேற்றார். பிரதமர் நரேந்திர மோடி, துணை ஜனாதிபதி மற்றும் ராஜ்யசபா தலைவர் எம்.வெங்கையா நாயுடு, மக்களவைத் தலைவர் ஓம் பிர்லா ஆகியோர் புதிய குடியரசு தலைவரை சென்ட்ரல் ஹாலுக்கு அழைத்து வந்தனர். உச்ச நீதிமன்ற தலைமை நீதிபதி என்வி ரமணா திரௌபதி முர்முரிக்கு பதவிப் பிரமாணம் செய்து வைத்தார்.
பதவியேற்பு விழாவின் போது 21 துப்பாக்கி முழங்கி வணக்கம் செலுத்தப்பட்டது. பதவியேற்பு விழாவின் போது திரௌபதி முர்மு, நாட்டை உள்ளடக்கிய மற்றும் விரைவான வளர்ச்சிக்கு பாடுபடுவேன் (Will strive for rapid growth)என்று கூறினார். இந்தியா தனது 75-வது சுதந்திர தினத்தை முன்னிட்டு அமிர்த கலா விழாவை கொண்டாடுகிறது. தற்போது இந்தியா புதிய சிந்தனைகளைக் கொண்டுள்ளது. நாங்கள் ஏக் பாரத் – ஷ்ரேஷ்ட பாரத்தை (ஒரு பாரதம்-மாபெரும் இந்தியா) உருவாக்குகிறோம் என்று கூறினார்.
திரௌபதி முர்முவின் பின்னணி:
ஜூன் 30, 1958 இல் ஒடிசாவின் மயூர்பஞ்ச் மாவட்டத்தில் உள்ள உபரபேடா கிராமத்தில் சந்தாலி பழங்குடி குடும்பத்தில் (Santali tribal family) பிறந்த முர்மு, புவனேஸ்வரில் கல்வி பயின்றார் மற்றும் மாநில நீர்ப்பாசனம் மற்றும் மின்துறையில் 1979 முதல் 1983 வரை இளநிலை உதவியாளராகப் பணியாற்றினார். எழுத்தராக இருந்த இந்த குறுகிய காலத்தில், 1997 வரை ராய்ரங்புராவில் உள்ள ஸ்ரீ அரவிந்தோ ஒருங்கிணைந்த கல்வி மையத்தில் ஆசிரியராக பணியாற்றினார்.
முர்மு ஒடிசாவின் பிஜேபி-பிஜு ஜனதா தளம் கூட்டணி அரசாங்கத்தில் அமைச்சர்கள் குழுவில் உறுப்பினரானார், முதலில் மார்ச் 2000 முதல் ஆகஸ்ட் 2022 வரை வர்த்தகம் மற்றும் போக்குவரத்துக்கான தனிப் பொறுப்புடன் மாநில அமைச்சராகவும் (Minister of State) , பின்னர் மீன்வளம் மற்றும் விலங்கு வள மேம்பாட்டு அமைச்சராகவும் ஆனார். 2002 ஆகஸ்ட் முதல் 2004 மே வரை, 2000 மற்றும் 2004 இல் ராயங்பூர் சட்டப்பேரவைத் தொகுதியில் இருந்து எம்.எல்.ஏ வாக பணியாற்றினார். 2007 இல் ஒடிசா சட்டப்பேரவையில் சிறந்த எம்.எல்.ஏவுக்கான நீலகண்ட விருது பெற்றார்.
2015-ஆம் ஆண்டு முர்மு ஜார்கண்ட் மாநிலத்தின் முதல் பெண் ஆளுநரானார். ஒடிசாவிலிருந்து ஒரு மாநிலத்தின் ஆளுநராக (Governor of the State) நியமிக்கப்பட்ட முதல் பெண் பழங்குடித் தலைவர் என்ற பெருமையையும் பெற்றார். 2017-ம் ஆண்டும் குடியரசு தலைவர் பதவிக்கு பாஜக சார்பாக முர்மு தேர்ந்தெடுக்கப்பட்டதாக தகவல்கள் தெரிவிக்கின்றன. ஆனால் இம்முறை குடியரசு தலைவர் வேட்பாளராக போட்டியிட்டு, தேர்ந்தெடுக்கப்பட்டுள்ளார்.
தனது அரசியல் பயணத்தின் (political travel) மத்தியில், முர்மு தனது தனிப்பட்ட வாழ்க்கையில் பல இன்னல்களை சந்தித்துள்ளார். முர்முவின் கணவர் ஷியாம் சரண் முர்மு 2014-இல் காலமானார். அவர் தனது இரண்டு மகன்களை 4 ஆண்டுகள் இடைவெளியில் இழந்தார்.
முர்மு தனது முழு வாழ்க்கையையும் சமூக சேவைக்காக (Social service) அர்ப்பணித்தவர். தாழ்த்தப்பட்ட தலித்துகள், ஏழைகளுக்கு அதிகாரம் அளித்துள்ளார்.பழங்குடியினர் மத்தியில் கல்வி விழிப்புணர்வை ஏற்படுத்த அவர் அரும் பாடுபட்டுள்ளார்.