தில்லி: Student Kills Friend : பள்ளிக்கு செல்ல விரும்பாத மாணவர்கள் உடல்நிலை சரியில்லை என்று வீட்டில் பொய் சொல்வதை கேள்விப்பட்டிருக்கிறோம். ஆனால், தில்லியில் பத்தாம் வகுப்பு படிக்கும் மாணவர் ஒருவர், தனது 14 வயது நண்பரை பள்ளிப் படிப்பை பாதியில் நிறுத்தும் முயற்சியில் கண்ணாடி பாட்டிலால் கழுத்தை அறுத்துள்ளார். தில்லி-மீரட் விரைவுச்சாலை அருகே இந்த செயலைச் செய்த பின்னர், 16 வயது மாணவர் சீடா காவல் நிலையத்திற்குச் சென்று சரணடைந்துள்ளார்.
போலீசார் விசாரணை நடத்தியபோது, சிறுவன் படிக்க விரும்பவில்லை (The boy does not want to study). எப்படியாவது பள்ளிக்கு செல்வதில் இருந்து தப்பிக்க வேண்டும் என்று நினைத்தேன். அதனால் என் நண்பனை கொன்றேன். இதனால் இனிமேல் நான் சிறையில் இருக்கலாம் என்று அந்த மாணவன் தெரிவித்துள்ளார். இது குறித்து வழக்கு பதிந்த காசியாபாத் ஊரகக் காவல் நிலைய ஆய்வாளர் இராஜ் ராஜா அதிகாரப்பூர்வமாக இந்த தகவலை உறுதிபடுத்தி உள்ளார்.
அவர் பள்ளியை விட்டு வெளியேற நினைத்தார். ஆனால் இதற்கு பெற்றோர் சம்மதிக்கவில்லை. பள்ளிக்கு செல்வதை விட ஜெயிலுக்கு போவது மேல் (Going to jail is better than going to school) என்று எண்ணிய இந்த சிறுவன் தன் நண்பனை கொல்ல திட்டம் தீட்டினான். ஜெயிலுக்குப் போனால் பள்ளிக்குப் போகத் தவறிவிடுவான் என்பது சிறுவனின் எண்ணம். சிறுவனை நீதிமன்றத்தில் ஆஜர்படுத்தியுள்ளோம் என்று காவல்துறை ஆய்வாளர் இராஜ் ராஜா தெரிவித்தார்.
பள்ளி முடிந்து திரும்பியதும் எங்கள் மகன் நண்பனுடன் வீட்டை விட்டு வெளியே சென்றதாக கொலை செய்யப்பட்ட சிறுவனின் தந்தை தெரிவித்தார். உள்ளூர்வாசிகள் மற்றும் காவல்துறையினருடன் நாங்கள் விரைவுச்சாலை அருகே சென்ற பிறகுதான் எங்களுக்கு இது தெரிய வந்தது. எனது குடும்பத்திற்கு ரூ. 50 லட்சம் இழப்பீடும், குடும்பத்தில் ஒருவருக்கு அரசு வேலையும் (One of the family has a government job), கொலை செய்யப்பட்ட சிறுவனின் சகோதரர்களுக்கு இலவச கல்வியும் வழங்க வேண்டும் என சிறுவனின் தந்தை கோரிக்கை விடுத்துள்ளார். தான் பள்ளிக்கு செல்லாமல் இருப்பதற்காக நண்பனை மாணவர் கொலை செய்துள்ள சம்பவம் அங்கு பரபரப்பு ஏற்பட்டுள்ளது.