oppo reno 7 pro: சீனாவில் ஒப்போ ரெனோ 7 (Oppo Reno 7 Series 5G), ரெனோ 7 ப்ரோ, ரெனோ 7 எஸ்இ ஆகிய ஸ்மார்ட்போன்களை அறிமுகம் செய்யப்பட்டது. தற்போது இந்த ஸ்மார்ட்போன் இந்தியாவிலும் வெளியாகி உள்ளது. இந்த ஸ்மார்ட்போன் தொகுப்பு, ஒப்போ ரெனோ 6 சீரிஸ் ஸ்மார்ட்போனின் மேம்பட்ட பதிப்பாகும்.
ஒப்போ ரெனோ 7, ரெனோ 7 ப்ரோ ஆகிய இரண்டு ஸ்மார்ட்போன்களின் விலை விவரங்களும் வெளியாகியுள்ளது. ஒப்போ தளத்தில் இந்த ஸ்மார்ட்போன்களை பயனர்கள் இன்று முதல் முன்பதிவு செய்ய முடியும். அதில் ஒப்போ ரெனோ 7 ஸ்மார்ட்போன் ரூ.29,999 என்ற தொடக்க விலையில் அறிமுகம் செய்யப்பட்டுள்ளது. அதேபோல் ப்ரோ மாடலின் விலை ரூ.39,999 முதல் விற்பனைக்குக் கொண்டுவரப்பட்டுள்ளது.
ஒப்போ ரெனோ 7 ஸ்மார்ட்போனானது 6.43 அங்குல முழுஅளவு எச்டி+ (1080 x 2400 பிக்சல்கள்) அமோலெட் AMOLED தொடுதிரையுடன் உள்ளது. இந்த திரை 90Hz ஹெர்ட்ஸ் ரெப்ரெஷ் ரேட்டுடன் இருக்கும். கார்னிங் கொரில்லா கிளாஸ் 5 பாதுகாப்பும் இதில் கொடுக்கப்பட்டுள்ளது.
செயல்திறனைப் பொருத்தவரை, மீடியாடெக் டைமன்சிட்டி 900 5ஜி உடன் வருகிறது. நடுத்தர சிப்செட்டுகளில் சிறந்தது இது. கேமிங் முதற்கொண்டு அனைத்து விதமான செயல்பாடுகளுக்கும் இந்த சிப்செட் சிறந்ததாக இருக்கும். மேலும், 8ஜிபி ரேம், 12 ஜிபி ரேம் மற்றும் 128ஜிபி மெமரி, 256 ஜிபி மெமரி வேரியண்டுகளில் வெளியாகும் என்று கூறப்படுகிறது.
இந்த ஸ்மார்ட்போன் ஆண்ட்ராய்டு 11 அடிப்படையிலான கலர் ஓஎஸ் 12 உடன் வருகிறது. மூன்று பின்புற கேமரா அமைப்பைக் கொண்டிருக்கிறது. இந்த ஸ்மார்ட்போனில் 64 மெகாபிக்சல் முதன்மை கேமரா, 8 மெகாபிக்சல் வைட் ஆங்கிள் லென்ஸ், 2 மெகாபிக்சல் மேக்ரோ கேமராவை கொண்டிருக்கிறது. கேமரா அமைப்பை சுற்றிலும் புதுமையான ஒளிரும் விளக்கு கொடுக்கப்பட்டுள்ளது. முன்புறத்தில் 32 மெகாபிக்சல் சோனி ஐஎம்எக்ஸ்709 செல்ஃபி கேமரா பொருத்தப்பட்டுள்ளது. செல்பி விரும்பிகளுக்கு இது புதுவித அனுபவத்தை அளிக்கும்.
இது 60 வாட்ஸ் ப்ளாஷ் சார்ஜ் பாஸ்ட் சார்ஜிங் ஆதரவை கொண்டிருக்கிறது. இந்த ஸ்மார்ட்போனானது 4500 எம்ஏஎச் பேட்டரி மூலம் ஆதரிக்கப்படுகிறது. பேட்டரியின் திறன் குறைவு என்றாலும், இந்த ஸ்மார்ட்போனின் விரைவான சார்ஜர் மூலம், காத்திருப்பு இல்லாமல் விரைவாக சார்ஜ் செய்ய முடியும்.
ரெனோ 7 ப்ரோ ஸ்மார்ட்போனானது பெரிய திரையைக் கொண்டுள்ளது. 6.55 அங்குல முழு எச்டி+ 1080 x 2400 பிக்சல்கள் அமோலெட் AMOLED டிஸ்ப்ளே கொண்டுள்ளது. இது மீடியாடக் டைமன்சிட்டி 1200 மேக்ஸ் (Mediatek Dimensity 1200 Max) சிப்சேட் கொண்டு இயக்கப்படுகிறது. மேலும் இந்த ஸ்மார்ட்போன் 12 ஜிபி ரேம், 256 ஜிபி மெமரி வசதியோடு வருகிறது. பாதுகாப்பு அம்சத்துக்கு என இன் டிஸ்ப்ளே கைரேகை சென்சாரும் இந்த ஸ்மார்ட்போனில் உள்ளது.
மூன்று பின்புற கேமரா அமைப்புடன் வரும் இந்த ஸ்மார்ட்போனில், 50 மெகாபிக்சல் முதன்மை கேமரா கொடுக்கப்பட்டுள்ளது. இது ஒப்போ பிரத்யேகமாக வடிவமைத்த சோனியின் கேமரா என குறிப்பிடப்பட்டுள்ளது. அதேபோல் முன்புறத்தில் உலகின் முதல் RGBW திறன் கொண்ட 32 மெகாபிக்சல் செல்பி கேமரா அம்சத்தையும் கொண்டுள்ளது. இதன்மூலம் இரவு நேரங்களில் தெளிவான படங்களை எடுக்க முடியும். 65 வாட்ஸ் வேகமான சார்ஜிங் வசதியுடன், 4500mAh டூயல் செல் பேட்டரி அம்சத்தை கொண்டிருக்கிறது.
இதையும் படிங்க: Jio Network issue : மும்பையில் இன்று ஜியோ நெட்வொர்க் முடக்கம் !
ஒப்போ ரெனோ 7 5ஜி அம்சங்கள்
ஒப்போ ரெனோ 7, ரெனோ 7 ப்ரோ ஸ்மார்ட்போன் ஆகிய இரண்டு மாடல்களும் சீன மாடல்களை ஒத்திருக்கும் என்று கூறப்படுகிறது. ஆனால், கேமரா அமைப்பில் சில மாறுதல்களை எதிர்பார்க்கலாம் என்று தெரிவித்திருந்தபடி இந்த ஸ்மார்ட்போன் வெளியாகியுள்ளது.