டெல்லி: Jacqueline Fernandez : மோசடி வழக்கில் சிறையில் உள்ள சுகேஷ் சந்திரசேகரிடம் ரூ.200 கோடி மிரட்டி பணம் பறித்த வழக்கு விசாரணை நடந்து வரும் நிலையில், நடிகை ஜாக்குலின் பெர்னாண்டஸ் இந்தியாவை விட்டு தப்பிச் செல்ல முயன்றதாக டெல்லி உயர் நீதிமன்றத்தில் அமலாக்க இயக்குனரகம் தகவல் தெரிவித்துள்ளது.
நடிகை ஜாக்குலின் பெர்னாண்டஸின் (Jacqueline Fernandez ) ஜாமீன் மனுவை டெல்லி உயர்நீதிமன்றம் தற்போது விசாரித்து வருகிறது. நடிகை ஜாக்குலினுக்கான வழக்கறிஞர் அளித்த தகவலின்படி, அமலாக்க இயக்குநரகத்திடம் எந்த ஆவணமும் கிடைக்கவில்லை. இந்த நிலையில் வழக்கின் அடுத்த விசாரணை நவம்பர் 10ஆம் தேதி நடைபெறும்.
பாலிவுட் நடிகை ஜாக்குலின் பெர்னாண்டஸின் (Jacqueline Fernandez) பொது ஜாமீன் மனுவை எதிர்த்து நீதிமன்றத்தில் சனிக்கிழமை அளித்த பதிலில், அமலாக்க இயக்குனரகம் ஜாக்குலின் பெர்னாண்டஸ் தனது மொபைல் போனில் இருந்து தரவுகளை அழித்து, ஆதாரங்களை அழித்ததாக குற்றம் சாட்டியது.
ஜாக்குலின் பெர்னாண்டஸ் (Jacqueline Fernandez) விசாரணைக்கு ஒத்துழைக்கவில்லை என்று அமலாக்க இயக்குநரகம் குற்றம் சாட்டுகிறது. நடிகை இந்தியாவை விட்டு வெளியேற முயன்றார். ஆனால் ஜாக்குலினுக்கு எதிரான லுக் அவுட் நோட்டீஸில் அவரது பெயர் இருப்பதால் அதைச் செய்ய முடியாது என அமலாக்க இயக்குனரகம் டெல்லி உயர்நீதிமன்றத்தில் தெரிவித்துள்ளது. இந்த வழக்கில் குற்றம் சாட்டப்பட்ட மற்ற நபர்களை எதிர்கொண்டபோது பெர்னாண்டஸ் ஒத்துழைக்க மறுத்து ஆதாரங்களை முன்வைத்ததாக அமலாக்க இயக்குநரகம் கடுமையான குற்றச்சாட்டை முன்வைத்துள்ளது.
டெல்லி சிறையில் இருக்கும் மோசடி நபர் சுகேஷ் சந்திரசேகர் (Sukesh Chandrasekhar), முன்னாள் ஃபோர்டிஸ் ஹெல்த்கேர் நிறுவனர் ஷிவிந்தர் மோகன் சிங்கின் மனைவி அதிதி சிங் உட்பட பலரை ஏமாற்றியுள்ளார். ஜாக்குலின் பெர்னாண்டஸ் மற்றும் மற்றொரு பாலிவுட் நடிகை நோரா ஃபதேஹி ஆகியோர் சொகுசு கார்கள் மற்றும் பிற விலையுயர்ந்த பரிசுகளை சுகேஷ் சந்திரசேகரிடம் இருந்து பெற்றதாக அமலாக்க இயக்குநரகம் தெரிவித்துள்ளது